Ang entropion ay isang kondisyon kung saan ang loob ng iyong talukap ay lumilihis papasok, na nagdudulot ng paggasgas ng iyong mga pilikmata at balat sa ibabaw ng mata. Ito ay nakakairita at hindi maganda sa pakiramdam.
Ang iyong talukap ay maaaring nakapaloob sa lahat ng oras o kapag kumurap ka ng husto o pinipikit ang iyong mga mata kapag mayroon kang entropion. Ang entropion ay isang kondisyon na nakakaapekto lamang sa ibabang talukap ng mata at mas karaniwan sa mga matatandang tao.
Maaaring mapawi ang entropion gamit ang mga artipisyal na luha at pampadulas na mga pamahid. Gayunpaman, ang operasyon ay madalas na kinakailangan upang ganap na maitama ang isyu. Bilang karagdagan, ang entropion ay maaaring makapinsala sa transparent na lente sa harap na seksyon ng iyong mata (kornea) at maging sanhi ng mga impeksyon sa mata at pagkawala ng paningin kung hindi gagamutin.
Mga Sintomas
Ang friction ng iyong mga pilikmata at talukap sa ibabaw ng iyong mata ay nagdudulot ng mga sintomas ng entropion. Maaaring makaramdam ka ng mga sumusunod na sintomas:
- Ang sensasyon na may bagay sa loob ng iyong mata
- Pamumula ng mata
- Irritation o pananakit ng mata
- Pagkasensitibo sa liwanag at hangin
- Mga mata na nagtutubig (sobrang pagluha)
- Pag-crust ng talukap ng mata at paglabas ng discharge.
Kailan Dapat Magpatingin Sa Doktor?
Kung ikaw ay na-diagnose na may entropion at nakararanas ng mga sumusunod na sintomas:
- Pamumula sa iyong mga mata na lumalala
- Discomfort
- Light sensitivity
- Paghina ng paningin.
Ito ay mga indikasyon ng pinsala sa kornea na maaaring magdulot ng mga problema sa paningin.
Kung patuloy kang may nararamdaman na parang may bagay sa loob ng iyong mata o may mga bahagi ng iyong pilikmata ang lumilihis paloob sa iyong mata, gumawa kaagad ng appointment upang bisitahin ang iyong doktor. Ang entropion ay maaaring magdulot ng pangmatagalang pinsala sa iyong mata kung hindi gagamutin nang napakatagal. Bago ang iyong appointment, simulan ang paggamit ng mga artipisyal na luha at eye-lubricating ointment upang pangalagaan ang iyong mga mata.
Mga Sanhi
Ang entropion ay maaaring ma-trigger ng iba’t ibang mga kadahilanan, kabilang ang:
Panghihina ng muscles. Ang mga muscles sa paligid ng iyong mga mata ay humihina habang ikaw ay tumatanda, at ang mga litid ay lumalawak. Ang pinakakaraniwang sanhi ng entropion ay ito.
Mga peklat. Ang karaniwang kurba ng takipmata ay maaaring masira sa pamamagitan ng pagkakapilat na dulot ng mga kemikal na paso, trauma, o operasyon.
Impeksyon sa mata. Ang trachoma ay isang pangkaraniwang sakit sa mata na matatagpuan sa maraming underdeveloped na mga bansa sa Africa, Asia, Latin America, Middle East, at Pacific Islands. Ang pagkakapilat sa panloob na talukap ng mata na dulot ng mga impeksyon ay maaaring magresulta sa entropion at maging pagkabulag.
Pamamaga. Kapag ang iyong mga mata ay naiirita dahil sa pagkatuyo o pamamaga, madalas na nakukuskos ito o napipisil ang mga talukap dahil sa discomfort na nararamdaman. Ang pagkuskos na ito ay maaaring maging sanhi ng spasm ng mga muscles ng talukap ng mata at ang paligid ng talukap ay lilihis papasok laban sa cornea (spastic entropion).
Isang komplikasyon sa pag-develop ng bata. Ang entropion ay maaaring maimpluwensyahan ng karagdagang tiklop ng balat sa talukap ng mata na nagiging sanhi ng mga pilikmata kapag ito ay naroroon mula sa kapanganakan (congenital).
